Hivi Ndivyo Mitandao ya Kijamii Ilivyofurika Maombi ya Kumuombea Afya Njema Tundu Lissu..!!!

• 

  Subscribe ndio neno gumu zaidi kwa wabongo kuliko kutafuna jiwe kama ilivyo kwa Waingereza kutamka Mwanjelwa..husema Monjela

  Aug 05 2018 - swahiba
• 

  Pamoja na vionjo hivyo..kwenye Simba Day ya mwaka huu ntakuja na style tofauti ya kutambulisha wachezaji...njoo ushuhudie mwenyew..usingoje kuhadithiwa ni Jtano hii pale dimba la Taifa... #SimbaDay #KibingwaZaidi 🇵🇪🇵🇪

  Aug 04 2018 - swahiba
• 

  Serikali yatoa tamko kuadimika mafuta ya kula nchini

  May 10 2018 - Unknown
• 

  Waziri Kigwangalla atetea ununuzi wa ndege

  May 10 2018 - Unknown
• 

  Zitto Kabwe amshauri Job Ndugai

  May 10 2018 - Unknown
• 

  Bunge lataka tende zifutwe kodi mfungo wa Ramadhani

  May 10 2018 - Unknown
• 

  Mo Dewji afunguka jinsi anavyopiga pesa kupitia kilimo

  Dec 19 2017 - Unknown

Nchi jana ilikuwa imezizima kutokana na shambulio dhidi ya Mwanasheria Mkuu wa Chadema, Tundu Lissu ambaye hali yake bado haijatengemaa baada ya kujeruhiwa tumboni na miguu kwa risasi.

Lissu amelazwa Hospitali ya Aga Khan jijini Nairobi alikohamishiwa juzi usiku kutoka Hospitali ya Mkoa wa Dodoma ambako alishambuliwa na watu wasiojulikana baada ya kuwasili nyumbani kwake mchana akitokea bungeni ambako alihudhuria kikao cha asubuhi.

Zaidi ya risasi 28 hadi 32 zilifyatuliwa kulenga kiti cha mbele cha upande wa kushoto wa gari aina ya Toyota Land Cruiser alichokuwa amekaa.

Tukio hilo limegusa watu wa aina tofauti tangu mtu wa kwanza alipotuma mtandaoni habari za shambulio hilo majira ya saa 8:00 mchana juzi.

Wamiliki wa akaunti za mitandao ya kijamii kama Twitter, Instagram na Facebook walichapisha picha za mbunge huyo wa Singida Mashariki na chini yake kuweka maneno ya kumuombea ili Mungu amrejeshe katika hali yake.

“Tumuombee Lissu, tuiombee nchi,” ameandika Halima Mdee, ambaye ni mbunge wa Kawe katika akaunti yake ya Twitter akiambatanisha maneno hayo na picha ya Lissu akihutubia jukwaani, akiwa amevalia magwanda ya sare za Chadema na fulana yenye michoro na rangi za bendera ya Taifa.

“Mkono wa Mungu ambao haujawahi kupungua, ukawe juu yako Mh. Lissu,” ameandika muigizaji nyota wa filamu, Elizabeth Michael, maarufu kwa kuigiza kama Lulu.

“Tumshukuru Mungu kwa afya ya Tundu Lissu hadi sasa. Kushukuru ni sehemu ya maombi#PrayForTunduLissu,” ameandika Irenei Kiria, mkurugenzi wa taasisi ya Sikika, katika akaunti yake ya Twitter.

Credit - Mwananchi