UMOJA WA UKAWA WASAMBARATIKA KATIKA UCHAGUZI WA UDIWANI MOROGORO..!!!

• 

  Subscribe ndio neno gumu zaidi kwa wabongo kuliko kutafuna jiwe kama ilivyo kwa Waingereza kutamka Mwanjelwa..husema Monjela

  Aug 05 2018 - swahiba
• 

  Pamoja na vionjo hivyo..kwenye Simba Day ya mwaka huu ntakuja na style tofauti ya kutambulisha wachezaji...njoo ushuhudie mwenyew..usingoje kuhadithiwa ni Jtano hii pale dimba la Taifa... #SimbaDay #KibingwaZaidi 🇵🇪🇵🇪

  Aug 04 2018 - swahiba
• 

  Serikali yatoa tamko kuadimika mafuta ya kula nchini

  May 10 2018 - Unknown
• 

  Waziri Kigwangalla atetea ununuzi wa ndege

  May 10 2018 - Unknown
• 

  Zitto Kabwe amshauri Job Ndugai

  May 10 2018 - Unknown
• 

  Bunge lataka tende zifutwe kodi mfungo wa Ramadhani

  May 10 2018 - Unknown
• 

  Mo Dewji afunguka jinsi anavyopiga pesa kupitia kilimo

  Dec 19 2017 - Unknown

USHIRIKIANO wa Umoja wa Katiba ya Wananchi (UKAWA) unaoundwa na vyama vya Demokrasia na Maendeleo (CHADEMA) , Chama cha Wananchi (CUF) , NCCR - Mageuzi na NLD, upo shakani kuendelea kudumu katika uchaguzi ujao wa serikali za mitaa na uchaguzi mkuu wa 2020, imebainika.

Dalili hizo zimeanza kuonekana kwenye kuwania nafasi za uchaguzi mdogo wa udiwani katika Kata ya Kiwanja cha Ndege Manispaa ya Morogoro, ambavyo vyama sita ikiwemo Chadema na CUF kila kimoja kusimamisha mgombea wake. Uchaguzi utafanyika Januari 22 mwakani.

Msimamizi wa Uchaguzi wa Kata hiyo, Abuu Rashid Liwangile akizungumza na mwandishi wa habari hizi jana alisema wagombea wa vyama sita vya siasa walichukua fomu na kurejesha.

Wote wamepitishwa na tayari wameanza kampeni za uchaguzi huo tangu juzi. Alitaja vyama na wagombea waliopitishwa kuwa ni Chama Cha Mapinduzi (CCM) mgombea wake ni Isihaka Sengo, wakati CUF mgombea wake ni Abeid Mlapakolo.

Katika Uchaguzi Mkuu wa mwaka 2010 , Mlapakolo aliwania nafasi ya Ubunge wa Jimbo la Morogoro Mjini na alishindwa na mgombea wa CCM, Abdulaziz Abood.

Mlapakolo alijaribu tena kuwania ubunge Jimbo la Kilosa kwenye Uchaguzi Mkuu wa 2015 kupitia mwavuli wa Ukawa, lakini akawekewa mgombea mwenza kutoka Chadema, hivyo kushindwa dhidi ya mgombea wa CCM. Mgombea wa Chadema ni Salum Milindi, wakati TLP imemsimamisha Julius Msilanga.

Chama cha ACT- Wazalendo kimemsimamisha Rahim Elias na Sauti ya Umma (SAU) mgombea ni Mussa Kimonje.

Uchaguzi huo mdogo katika Kata ya Kiwanja cha Ndege, unafanyika baada ya kutokea kifo cha ghalfa cha diwani wa kata hiyo kupitia CCM , Godfrey Mkondya, miezi michache baada ya kufanyika kwa Uchaguzi Mkuu wa mwaka jana.

Mbali na Kiwanja cha Ndege, uchaguzi mdogo wa udiwani pia utafanyika katika kata zingine 21 nchini, ambazo ni Ihumwa na Ng’ambi mkoani Dodoma, Igombavanu na Ikweha mkoa wa Iringa, Ngarenanyuki huko Arusha, Kijichi jijini Dar es Salaam, Kinampundu mkoani Singida, Isagehe mkoa wa Shinyanga, Kasansa huko Katavi, Malya mkoa wa Mwanza, Maguu huko Ruvuma.

Kata zingine ni Kimwani mkoa wa Kagera, Nkome mkoani Geita, Lembeni mkoa wa Kilimanjaro, Duru mkoa wa Manyara, Misugusugu mkoani Pwani na Mateves mkoa wa Arusha.

DOWNLOAD APP YETU YA SWAHIBA NEWS ILI UWEZE KUPATA HABARI ZOTE MOJA KWA MOJA KUPITIA SIMU YAKO YA MKONONI BILA KUINGIA KWENYE WEBSITE,KUDOWNLOAD BONYEZA HAPA  

ANDIKA MAONI YAKO HAPO CHINI