IGP Sirro awanyooshea kidole wanasiasa wanaotaka suala la uchunguzi wa Lissu liharakishwe

• 

  Subscribe ndio neno gumu zaidi kwa wabongo kuliko kutafuna jiwe kama ilivyo kwa Waingereza kutamka Mwanjelwa..husema Monjela

  Aug 05 2018 - swahiba
• 

  Pamoja na vionjo hivyo..kwenye Simba Day ya mwaka huu ntakuja na style tofauti ya kutambulisha wachezaji...njoo ushuhudie mwenyew..usingoje kuhadithiwa ni Jtano hii pale dimba la Taifa... #SimbaDay #KibingwaZaidi 🇵🇪🇵🇪

  Aug 04 2018 - swahiba
• 

  Serikali yatoa tamko kuadimika mafuta ya kula nchini

  May 10 2018 - Unknown
• 

  Waziri Kigwangalla atetea ununuzi wa ndege

  May 10 2018 - Unknown
• 

  Zitto Kabwe amshauri Job Ndugai

  May 10 2018 - Unknown
• 

  Bunge lataka tende zifutwe kodi mfungo wa Ramadhani

  May 10 2018 - Unknown
• 

  Mo Dewji afunguka jinsi anavyopiga pesa kupitia kilimo

  Dec 19 2017 - Unknown

MKUU wa Jeshi la Polisi nchini, Inspekta Jenerali (IGP) Simon Sirro, amewajia juu baadhi ya wanasiasa wanaotaka kuharakishwa kwa uchunguzi wa shambulizi dhidi ya Mbunge wa Singida Mashariki, Tundu Lissu.

IGP Sirro amesema wanasiasa wanapaswa kuendelea kufanya siasa na jeshi lifanye kazi yake na waache kushinikiza masuala ambayo hayawahusu kama vile uchunguzi wa suala hilo.

Sirro alisema hayo jana wakati akizungumza na waandishi wa habari mkoani Njombe, akiwa kwenye ziara ya kikazi ya siku moja mkoani hapa.

Alisema jeshi hilo linaendelea na uchunguzi wa tukio hilo na litatoa taarifa juu ya hatua waliyofikia kwa kuwa jarada la tukio hilo bado wanalo na wanasiasa hawawezi kuwafundisha watu wa kuwahoji.

Aidha, Sirro alisema wanasiasa wanazungumza ili waonekane kwa wapigakura wao na wanakula posho kwa kuzungumza, hivyo hawezi kuwazuia kufanya hivyo.

Pia alisema wanasiasa wanafanya siasa kwa kuwa kuna amani, hivyo wamwache aendelee kufanya kazi yake ya kuhakikisha Watanzania wanakuwa na amani na kwamba tunu hiyo ikitoweka wanasiasa hawatafanya siasa.

Juzi, familia ya Lissu ilizungumza na waandishi wa habari ikilitaka Jeshi la Polisi liharakishe uchunguzi wa suala hilo kwa madai kuwa ni siku nyingi zimeshapita lakini hakuna kinachoendelea.

Jana, Chadema ilifanya mkutano na waandishi wa habari na kuhoji jeshi hilo kuhusu kuchelewa kupatikana kwa watu wasiojulikana kwa siku 30 tangu tukio la kumpiga risasi Lissu, ambaye pia ni Mwanasheria Mkuu wa chama hicho, litokee akiwa mjini Dodoma.

Mkurugenzi wa Mafunzo na Oganaizesheni Chadema Taifa, Benson Kigaila, alisema wanapata hofu jeshi hilo linavyoshughulikia suala hilo.

Kigaila alisema jeshi la polisi linatakiwa kuwakamata wamiliki wa magari manane meupe aina ya Nissan ambayo yalikamatwa mkoani Dodoma baada ya tukio.