ZITTO- MAGUFULI MALIZIA KIPORO CHA MAJIPU ULIYOYATUMBUA..!!!

KIONGOZI wa chama cha ACT–Wazalendo, Zitto Kabwe, amemshauri Rais John Magufuli, kuwafikisha kwenye vyombo vya nidhamu na sheria wote aliowatumbua tangu alipoingia madarakani.

Alisema watu hao waliotumbuliwa kuanzia mwaka jana hadi Agosti mwaka huu, ambao idadi yao ni takribani 130, wafikishwe kwenye vyombo vya kisheria na nidhamu ili viwaeleze Watanzania kuhusu kile wanachotuhumiwa nacho watumishi hao.

Halikadhalika alimshauri Rais Magufuli kufuata misingi ya haki na usawa katika kuwachukulia hatua baadhi ya watumishi wa umma aliowatumbua kwa tuhuma mbalimbali.

Zitto aliyasema hayo jana Dar es Salaam katika mkutano mkuu wa ACT-Wazalendo, unaojadili mambo kadhaa yakiwamo, hali ya siasa nchini kuelekea uchaguzi mkuu wa mwaka 2020 pamoja na uzoefu wa kisiasa wa mataifa mengine ya Afrika.

DOWNLOAD APP YETU YA SWAHIBA NEWS ILI UWEZE KUPATA HABARI ZOTE MOJA KWA MOJA KUPITIA SIMU YAKO YA MKONONI BILA KUINGIA KWENYE WEBSITE,KUDOWNLOAD BONYEZA HAPA  

ANDIKA MAONI YAKO HAPO CHINI