PAMOJA NA KUWA KIMYA MUDA MREFU,PINDA ANENA HAYA KUHUSU SEKTA YA ELIMU NCHINI..!!!

Waziri Mkuu mstaafu, Mizengo Pinda amesema ni lazima uwapo uwekezaji mkubwa katika sekta ya elimu ya msingi.

Pinda aliyasema hayo nyumbani kwa Waziri Mkuu mstaafu, John Malecela wakati wa harambee ya kuchangia uboreshaji wa Shule ya Canon Andrea Mwaka inayomilikiwa na Kanisa la Anglikana.

“Tukikosea katika elimu ya msingi huko kwingine ni uongo, lazima tuwekeze kwenye elimu,” amesema.

Askofu Mkuu wa Kanisa la Anglikana, Dk Jacob Chimeledya amesema shule hiyo inayotoa elimu ya msingi hadi kidato cha nne, ilianzishwa mwaka 1950 kwa ajili ya wamisionari waliokuja nchini kueneza dini na inapokea wanafunzi wa dini zote.

“Shule hii ina wanafunzi kutoka mataifa mbalimbali. Kwa sababu ya ujio wa makao makuu tunataka kuboresha uzio, maabara, majengo na taaluma kwa kuongeza walimu kutoka ndani na nje wenye sifa za kufundisha kwenye shule hii,” amesema Dk Chimeledya.

Ameisema uboreshaji huo utagharimu Sh1 bilioni, lakini harambee zitakuwa kwa awamu mbalimbali na wamepata ahadi na fedha taslimu Sh60 milioni huku akiwaomba watu kuchangia.

DOWNLOAD APP YETU YA SWAHIBA NEWS ILI UWEZE KUPATA HABARI ZOTE MOJA KWA MOJA KUPITIA SIMU YAKO YA MKONONI BILA KUINGIA KWENYE WEBSITE,KUDOWNLOAD BONYEZA HAPA  

ANDIKA MAONI YAKO HAPO CHINI