UMOJA WA MATAIFA WATAHADHARISHA KUCHAGULIWA KWA DONALD TRUMP MAREKANI..!!!

Kamishna Mkuu wa Haki za Binadamu wa Umoja wa Mataifa, Zeid Ra’ad Al-Hussein ametahadharisha kwamba, iwapo Donald Trump, mgombea wa Chama cha Republican atashinda katika uchaguzi ujao wa rais nchini Marekani, jambo hilo litakuwa hatari kubwa kwa dunia nzima.

 Al-Hussein amesema kwa kutilia maanani kauli zinazotolewa na Trump, kuchaguliwa kwa mgombea huyo itakuwa hatari katika mtazamo wa kimataifa.

Kamishna huyo amesema kauli zinazotolewa na Trump kuhusu baadhi ya matabaka ya watu na kuidhinisha mateso kwa ajili ya kukusanya taarifa za kipelelezi ni vitu vinavyoumiza na kusababisha wasiwasi.

Trump amekuwa akisisitiza kuwa, ni sahihi kutumia mateso na unyanyasaji dhidi ya watu wanaodhaniwa kuhusika na vitendo vya ugaidi wakati wa kuwasaili.

Mgombea huyo pia amekuwa akitoa matamshi ya kibaguzi na kichochezi dhidi ya Waislamu na ametoa wito wa kutumiwa mbinu za manazi wa Ujerumani wakati wa utawala wa dikteta wa zamani wa nchi hiyo Adolph Hitler, dhidi ya Waislamu nchini Marekani.

Uchaguzi wa Rais wa Marekani utafanyika Novemba 8  huku wagombea wakitarajiwa kukutana katika mdahalo wa mwisho utakaofanyika  mwezi huu.

DOWNLOAD APP YETU YA SWAHIBA NEWS ILI UWEZE KUPATA HABARI ZOTE MOJA KWA MOJA KUPITIA SIMU YAKO YA MKONONI BILA KUINGIA KWENYE WEBSITE,KUDOWNLOAD BONYEZA HAPA  

ANDIKA MAONI YAKO HAPO CHINI