MASABURI AACHA WATOTO 20,KUZIKWA WIKI IJAYO CHUONI KWAKE..!!!

MEYA wa zamani wa jiji la Dar es Salaam, Dk. Didas Masaburi, aliyefariki dunia juzi usiku katika Hospitali ya Taifa Muhimbili (MNH), ameacha watoto 20.

Msemaji wa familia hiyo, ambaye pia ni kaka wa marehemu, Otieno Igogo, aliwaambia waandishi wa habari waliofika msibani Chanika, nje kidogo ya jiji la Dar es Salaam jana kuwa mazishi yatafanyika Jumatatu.

Alisema mazishi yatafanyika eneo la Chanika kilipo Chuo cha Ununuzi na Ugavi (IPS), ambacho ni moja ya mali za marehemu kwa kuwa mwenyewe aliagiza azikwe kwenye eneo hilo.

Alisema marehemu enzi za uhai wake aliusia azikwe kwenye eneo hilo la chuo kwa kuwa ndipo alipoanzia maisha na watatimiza wosia huo.

DOWNLOAD APP YETU YA SWAHIBA NEWS ILI UWEZE KUPATA HABARI ZOTE MOJA KWA MOJA KUPITIA SIMU YAKO YA MKONONI BILA KUINGIA KWENYE WEBSITE,KUDOWNLOAD BONYEZA HAPA  

ANDIKA MAONI YAKO HAPO CHINI