TAMBWE - MAVUGO USIWASIKLIZE SIMBA ,FANYA YAKO WATAKUELEWA..!!!

WAKATI kelele za matarajio makubwa kutoka kwa mashabiki kupitia vyombo vya habari zikielezwa kuwa chanzo cha kiungo wa Manchester United, Paul Pogba, kushindwa kuonyesha kiwango chake, mshambuliaji wa Yanga, Amissi Tambwe, amempa siri Mrundi mwenzake, Laudit Mavugo ya kushinda mtihani huo.

Pogba ambaye ni mchezaji ghali zaidi duniani, ameshindwa kuonyesha thamani yake tangu ajiunge na Man United akitokea Juventus msimu huu, huku sababu ikielezwa ni kutokana na kupania kuwafunga mdomo wanaomkosoa.

Hata hivyo, Tambwe ambaye kwa sasa amelizoea soka la Bongo, anaiona hali kama hiyo inaweza kumwaathiri Mavugo hivyo amemwambia siri pekee ya kushinda mtihani huo ni kuweka pamba maskioni.

Tambwe ambaye pia kwa mara ya kwanza kutua nchini aliichezea Simba, akizungumza na mwandishi wa habari hizi mapema wiki hii, alisema kelele za mashabiki zinaweza kumpoteza Mavugo kabisa, hivyo anapaswa kuelekeza akili mchezoni badala ya kuwasikiliza.

Alisema licha ya nyota huyo aliyeichezea Vital’O ya Burundi msimu uliopita, kusajiliwa Simba kwa dau kubwa, katika mechi saba alizocheza Ligi Kuu Tanzania Bara bado hajaonyesha kiwango chake anachokifahamu.

“Kama atachukua ushauri wangu, atakuwa mchezaji bora kwani ninajua uwezo wake, tumekua pamoja kwenye kikosi cha timu ya taifa,” alisema Tambwe.

“Nakumbuka nilivyokuja Simba nilicheza mechi nne bila kufunga bao, Wabongo wakaanza kusema sina kiwango cha kuichezea timu hiyo, mara ya kwanza nilianza kukata tamaa, ila nilipata ushauri kutoka kwa baadhi ya wachezaji kwamba nikae mbali na maneno ya mashabiki pamoja na magazeti, niliamua kucheza soka na kujiweka sawa kisaikolojia, ili nifanye kilichonileta Tanzania.

DOWNLOAD APP YETU YA SWAHIBA NEWS ILI UWEZE KUPATA HABARI ZOTE MOJA KWA MOJA KUPITIA SIMU YAKO YA MKONONI BILA KUINGIA KWENYE WEBSITE,KUDOWNLOAD BONYEZA HAPA  

ANDIKA MAONI YAKO HAPO CHINI