MEYA DAR ATAKA KISWAHILI KITUMIKE SEKONDARI...!!!

MEYA wa Jiji la Dar es Salaam, Isaya Mwita ameshauri Kiswahili kitumike kufundishia elimu ya sekondari ili kuwasaidia wanafunzi kujua lugha yao ya Taifa.

Meya Isaya alitoa kauli hiyo jijini Dar es Salaam juzi, wakati wa kumbukumbu ya Meya wa kwanza Mwafrika, Kaluta Amri Abeid iliyofanyika nyumbani kwake Magomeni.

Alisema kwamba Taifa limezembea kuitumia lugha ya Taifa na badala yake kutumia Kiingereza jambo ambalo Meya Mwita, anaona ni kupoteza sifa ya Taifa.

Alifafanua kwamba Taifa bado lina changamoto kubwa ya lugha ya Taifa kutokana na kukosekana kwa misingi ya kuwasaidia wanafunzi jambo ambalo linafanya kuwepo kwa ugumu wa kutambua lugha na hivyo kama ingetumika lugha moja ingekuwa ni njia moja wapo ya kulitangaza taifa la Tanzania.

“Ukienda China utakuta wanazungumza Kichina, na hata kwenye mikutano ambayo wanafanya wanatumia lugha hiyo, na sio China tu hata nchi nyingine pia, ila ukija Tanzania unakuta watu wanazungumza Kiingereza, ukienda kwenye mikutano lugha ambayo inatumika ni Kiingereza, sasa Taifa letu tunalitangazaje?” Alihoji Mwita.

Alisema hao tunaotumia lugha zao, ndio watakuja nchini na kwingine duniani kujifunza kiswahili.

“Kenya wanajifunza na sasa wapo wengine ambao wanajua na wanapenda kutumia Kiswahili, sasa kwanini sisi tuwe watumwa na lugha za wenzetu?” alihoji Meya huyo.

DOWNLOAD APP YETU YA SWAHIBA NEWS ILI UWEZE KUPATA HABARI ZOTE MOJA KWA MOJA KUPITIA SIMU YAKO YA MKONONI BILA KUINGIA KWENYE WEBSITE,KUDOWNLOAD BONYEZA HAPA  

ANDIKA MAONI YAKO HAPO CHINI