MAKAMBA AWACHARUKIA MAAFISA MISITU,AWAPIGA MARUFUKU KUTOA VIBALI..!!!

Waziri wa Nchi  Ofisi  ya  Makamu wa Rais  Mazingira na Muungano, January Makamba  amezipiga marufuku kamati za mazingira    vijiji, vitongoji na kata nchini kutoa vibali  vya uvunaji  wa misitu na kuzitaka  zitambue wajibu wao kuwa  ni  kulinda na kuhifadhi mazingira.

January amesema  sheria  ya mazingira iko juu ya sheria nyingine  hivyo  kuwataka  waache  kuidhinisha uvunaji na kuwapitishia  watu  vibali vya kuvuna  miti  katika maeneo yao.

Amesema kamati  hizo  zinatakiwa zitambue  kuwa  hazina mamlaka  ya kupitisha  uvunaji wa miti na wala  zisianzishwe kwa mtazamo  wa utoaji wa vibari.

Amesema kuna haja  ya kuziwezesha  kamati hizo kwa kuzipatia elimu juu ya majukumu yao  ambayo  zinatakiwa  zifanye kwa mujibu wa  Sheria  ya  Mazingira.

January ambaye pia ni Mbunge  wa Bumbuli (CCM),  amesema  hairuhusiwi kufanya shughuli  zozote katika  maeneo  ya  vyanzo vya maji badala yake  ni wajibu wa kila mtu  kulinda na kuhifadhi  vyanzo hivyo.

DOWNLOAD APP YETU YA SWAHIBA NEWS ILI UWEZE KUPATA HABARI ZOTE MOJA KWA MOJA KUPITIA SIMU YAKO YA MKONONI BILA KUINGIA KWENYE WEBSITE,KUDOWNLOAD BONYEZA HAPA  

ANDIKA MAONI YAKO HAPO CHINI