WAKATI YANGA NA AZAM ZIKILIA JUU YA VIPORO VYAO VYA LIGI,MAYANJA AIBUKA NA KAULI HII..!!

WAKATI Yanga na Azam `zikilia’ kulundikiwa mechi mfululizo licha ya kuwa na majukumu ya kimataifa, Kocha wa timu ya soka ya Simba, Jakson Mayanja amesema ratiba mpya ni nzuri kwa klabu hizo, kwani itazisaidia kujiimarisha na kufanya vizuri michuano ya Ligi ya Mabingwa Afrika na ile ya Kombe la Shirikisho.

Yanga inaisubiri Al Ahly katika mchezo utakaochezwa Aprili 9, mwaka huu na Azam FC inawasubiri Esperance ya Tunisia katika mchezo utakaochezwa siku moja baadaye. Hata hivyo, kabla ya kucheza michezo ya kimataifa, Yanga na Azam kila moja itatakiwa kucheza michezo mitatu ambayo kati ya hiyo, miwili ya ligi na mmoja wa Kombe la FA.

Kutokana na ratiba kubana viongozi wa Yanga na Azam waliiomba Bodi ya Ligi Kuu Tanzania iwalegeze na kupunguza mechi ili kupata muda wa maandalizi, lakini bado hawakukubaliwa. Lakini mtazamo wa `kubanwa’ wa wawakilishi hao wa Tanzania, Mayanja amekuwa na mtazamo tofauti, akisema ni vyema timu hizo zikacheza michezo hiyo kwani wachezaji wataendelea kuimarika na kuwa na nguvu.

“Wao wanalalamikia ratiba imewabana badala wafurahi kuwa itawasaidia kuwaimarisha wachezaji kuelekea michezo yao ya kimataifa, ni bora waendelee kucheza mechi zao za nyumbani ili kujiweka vizuri zaidi,” alisema.