BAADA YA KUNYIMWA MSAADA NA MAREKANI,SERIKALI YATOA KAULI HII..!!

Licha ya Serikali ya Marekani kupitia kupitia taasisi yake ya Changamoto za Milenia(MCC), kuinyima Tanzania msaada wa fedha zaidi ya tirioni 1 kutokana na matatizo ya kisiasa Zanzibar na sheria ya makosa ya mtandao, Serikali ya Tanzania imesema imejipanga vizuri kuziba pengo la fedha hizo.

Akizungumza na waandishi wa habari jana jijini Dar es salaam, Waziri wa mambo ya nje, ushirikiano wa Afrika Mashariki, kikanda na kimataifa Dr Agustine Mahiga, amedai japo uamuzi huo wa MCC umeiumiza serikali, hawako tayari kuingiliwa katika mambo ya msingi ya nchi.

Balozi Mahiga alikiri kuwa uamuzi wa Bodi ya MCC utaathiri bajeti ijayo ya serikali, kwa kuwa fedha hizo ambazo zingetolewa kwa kipindi cha miaka mitano zingetumika katika miradi ya nishati ya umeme vijijini.

“Hivyo vyote Tanzania imekuwa ikisifika lakini kwa sababu hii iliyotolewa na Bodi ya MCC kuwa Uchaguzi wa Zanzibar haukuwa huru na haki na demokrasia haikufuatwa si za  kweli, kwani Tanzania inazingatia masuala hayo kwa mstakabali wa maendeleo ya Taifa.

“Uamuzi wa Washington tutaadhibiwa wote, Muha wa Kigoma na Mpemba wa Pemba wote tutaumia. Huo ni uamuzi wao hatuwezi kuingilia, lakini na yetu hatutaki yaingiliwe.

“Kwa suala la Zanzibar tumejitahidi kueleza pamoja na kuchukua hatua ya kuimarisha demokrasia na tutaendelea kufanya hivyo,”alisema Balozi Mahiga.