WAHANGA TETEMEKO LA ARDHI KAGERA WAKATAA MISAADA YA BISKUTI NA MAJI..!!!

BAADHI ya waathirika wa tetemeko la ardhi Manispaa ya Bukoba, wamesema kwa sasa hawahitaji msaada wa biskuti na maji.

Badala yake wamesema wanahitaji msaada wa kuwawezesha kujenga na kukarabati nyumba zao ili wapate mahali pa kulala na familia zao.

Wametoa kauli hiyo ikiwa ni siku 31 tangu lilipotokea tetemeko la ardhi mkoani Kagera. Wakizungumza katika mkutano wa majumuisho ya ziara ya Meya wa Manispaa ya Bukoba, Chifu Kalumuna, waathirika hao walisema kuwa kamati ya maafa imekuwa ikipita mitaani na kuwagawia baadhi ya waathirika maji, biskuti, mchele, unga, vyandarua na majani ya chai na kusahau kuwa vitu hivyo siyo kipaumbele kwao kwa sasa kulingana na maafa yaliyowapata.

Mmoja wa wakazi hao, Jacqueline Focus, mkazi wa Migera Manispaa ya Bukoba, alisema serikali iwapelekee vifaa vya ujenzi na kuliagiza Jeshi la Ulinzi la Wananchi wa Tanzania (JWTZ) kuingia mitaani na kuwasaidia wananchi kurejesha majengo yao katika hali ya kawaida ili wapate sehemu za kulala na kuepuka kunyeshewa mvua zinazoendelea kunyesha hasa nyakati za usiku.

DOWNLOAD APP YETU YA SWAHIBA NEWS ILI UWEZE KUPATA HABARI ZOTE MOJA KWA MOJA KUPITIA SIMU YAKO YA MKONONI BILA KUINGIA KWENYE WEBSITE,KUDOWNLOAD BONYEZA HAPA  

ANDIKA MAONI YAKO HAPO CHINI