MAJALIWA AITA WACHINA DODOMA,ATAKA WAKAJENGE MAGHOROFA..!!!

Waziri Mkuu Kassim Majaliwa amekutana na Mwenyekiti wa Kampuni ya Ujenzi ya CRCC ya China, Fengchao Meng ambaye amemuahidi kushiriana na Serikali kuboresha miundombinu ya Mkoa wa Dodoma.

Mwenyekiti huo ameongozana na Mwenyekiti wa Kampuni nyingine ya Ujenzi ya CCECC ya China, Yuan Li na Katibu Mkuu wa Chama cha Urafiki kati ya Serikali za Tanzania na China, Joseph Kahama.

Majaliwa amesema kipaumbele cha Serikali kwa sasa ni uendelezaji wa Dodoma.

Amesema nchi hizo ni marafiki wa muda mrefu ambazo  zinashirikiana vizuri katika ujenzi wa miundombinu, hivyo Serikali inatarajia mengi kutoka kwenye kampuni hiyo.

“Dodoma kuna fursa za uwekezaji kwenye sekta nyingi kama miundombinu, kilimo na viwanda. Mnaweza kuwekeza kwenye ujenzi wa nyumba za makazi, ofisi, huduma za jamii na viwanda,” alisema.

Meng amesema kampuni yake itaungana na Serikali  kuboresha Dodoma, inatarajia kutuma wataalamu wake mkoani humo kuangalia maeneo ya uwekezaji.

DOWNLOAD APP YETU YA SWAHIBA NEWS ILI UWEZE KUPATA HABARI ZOTE MOJA KWA MOJA KUPITIA SIMU YAKO YA MKONONI BILA KUINGIA KWENYE WEBSITE,KUDOWNLOAD BONYEZA HAPA  

ANDIKA MAONI YAKO HAPO CHINI