HII HAPA KAULI YA MAJABVI JUU YA MUSTAKABALI WAKE NDANI YA SIMBA SC..!!!

KIUNGO wa Zimbabwe anayechezea Simba, Justice Majabvi, amesema yupo tayari kubaki kuendelea kuichezea timu hiyo msimu ujao kama atapewa ofa ya kuridhisha.

Mkataba wa kiungo huyo unamalizika baada ya ligi kumalizika mwezi huu na hadi sasa amesema hajaanza mazungumzo ya kuongeza mkataba.

, Majabvi, alisema angependa kubaki kuichezea timu hiyo kutokana na kazi nzuri na ushirikiano kutoka kwa viongozi na wachezaji wenzake, lakini itakuwa ngumu kama hatopewa mkataba mpya.

“Siwezi kulazimisha kupewa mkataba kwa sababu benchi la ufundi na hata viongozi wanaujua uwezo na mchango wangu niliotoa kwa Simba, kwa hiyo maamuzi wanayo wao, ingawa binafsi ningependa kubaki Simba ili niendeleze jitihada zangu za kuipa timu mafanikio,” alisema Majabvi.

Kiungo huyo alisema yapo mambo mengi yamemvutia kwenye ligi ya Tanzania, moja ikiwa ni upinzani uliopo baina ya Simba na Yanga, ambao hajawahi kuuona katika nchi nyingi alizocheza.

Pia alisema amekuwa akipata sapoti kubwa kutoka kwa mashabiki wa timu hiyo, kiasi cha kujisikia kama yupo kwao Zimbabwe, ispokuwa kitendo cha kushindwa kupata mafanikio ndiyo kimemuumiza.

DOWNLOAD APP YETU YA SWAHIBA NEWS ILI UWEZE KUPATA HABARI ZOTE MOJA KWA MOJA KUPITIA SIMU YAKO YA MKONONI BILA KUINGIA KWENYE WEBSITE,KUDOWNLOAD BONYEZA HAPA