MAYANJA - BANDA BADO ANANAFASI SIMBA SC...!!!

KOCHA wa Simba, Jackson Mayanja amesema beki Abdi Banda, bado anayo nafasi ya kuitumikia timu hiyo endapo atarudi na kuwaomba msamaha viongozi, wachezaji wenzake na mashabiki.

Banda hayupo kwenye kikosi cha Simba kwa muda mrefu, tangu alipokorofishana na kocha huyo baada ya kugoma kupasha misuli ili aweze kuingia uwanjani katika mchezo wa Coastal Union na Simba uliofanyika Uwanja wa Mkwakwani Tanga katika Ligi Kuu Tanzania Bara inayoendelea.

 Mayanja alisema Banda alijifukuza mwenyewe kwenye kikosi cha Simba tangu matatizo hayo yalipotokea mwezi mmoja uliopita na yeye hakumfukuza, wala kuzungumza naye jambo lolote.

“Sijagombana na Banda, wala kumfukuza kwenye timu, isipokuwa yeye mwenyewe ndio amejiondoka, lakini endapo atarudi na kuomba msamaha kwa viongozi wetu, wachezaji wenzake na mashabiki atarudishwa kundini kwa sababu ana mchango wake kwenye timu,”alisema Mayanja.

Kocha huyo alisema siku zote amekuwa akisimamia nidhamu kwa lengo la kutaka vijana hao wafike mbali katika mchezo huo wa soka, lakini anashangaa licha ya vipaji walivyokuwa navyo wamekuwa na kiburi ambacho anaamini itakuwa ni kikwazo kikubwa cha kuwafanya washindwe kupata mafanikio kupitia mchezo huo.

DOWNLOAD APP YETU YA SWAHIBA NEWS ILI UWEZE KUPATA HABARI ZOTE MOJA KWA MOJA KUPITIA SIMU YAKO YA MKONONI BILA KUINGIA KWENYE WEBSITE,KUDOWNLOAD BONYEZA HAPA