JUKWAA LA WAHARIRI LAPINGA HAYA JUU YA BUNGE LA TANZANIA...!!!

Jukwaa la wahariri nchini Tanzania TEF limeelezea kutoridhishwa kwake na uamuzi wa uongozi wa Bunge wa kuzuia bunge kutoonesha moja moja na hivyo kutaka uamuzi huo kufikiriwa upya.

Jukwaa hilo limesema kuwa uamuzi huo umekuwa ukiathiri wananchi pamoja na wanahabari wanaoripoti habari za bunge mjini Dodoma kushiriki na kupata taarifa.

Mwenyekiti wa TEF Theophil Makunga na Makamu Mwenyekiti Deodatus Balile wamesema ni wazi kwamba ushiriki wa wananchi katika kufuatilia mwenendo wa bunge na wabunge wao umekwazwa sana na hatua hizi mpya.

Makunga amesema jukwaa hilo limejiridhisha kuwepo kwa mapungufu makubwa matatu yanayosababishwa na mfumo huo unaotumiwa hivi sasa na bunge.

Mapungufu hayo ni pamoja na habari zinazotoka ndani ya bunge kuchujwa kupita kiasi, ubora wa picha zinazotolewa na ofisi ya bunge kwa waandishi wa habari kuwa wa kiwango cha chini.

Mapungufu mengine ya mfumo huu kwa mujibu wa Makunga ni kukwaza haki na uhuru wa wanahabari kufanya kazi yao kwa Uhuru lakini pia inawanyima wananchi haki ya kupata kwa uhakika na bila kuchujwa kile kinachofanywa na wawakilishi wao.

Kutokana na mapungufu hayo Makungu amesema kuwa jukwaa hilo limeanza kuingiwa na hofu kuwa sababu zilizotolewa awali za kuzuia utangazaji wa moja kwa moja wa Bunge kupitia TBC kuwa ni gharama, huenda hazikuwa za dhati.

DOWNLOAD APP YETU YA SWAHIBA NEWS ILI UWEZE KUPATA HABARI ZOTE MOJA KWA MOJA KUPITIA SIMU YAKO YA MKONONI BILA KUINGIA KWENYE WEBSITE,KUDOWNLOAD BONYEZA HAPA