JINSI UMAUTI ULIVYOMKUTA PAPA WEMBA...!!!

Mwanamuziki gwiji wa Jamhuri ya Kidemokrasia ya Kongo (DRC), Papa Wemba (pichani), amekufa baada ya kuanguka stejini wakati akitumbuiza mjini hapa, imeelezwa. 

Picha ya video ya onesho hilo ilionesha wasanii wake wakiendelea kucheza wakati mwanamuziki huyo mwenye umri wa miaka 66 akiwa ameanguka chini jukwaani huku wasanii wake wasijue kilichotokea.

Televisheni ya Ufaransa ya France 24 ilithibitisha kifo hicho cha Papa Wemba, wakimnukuu meneja wake. Mwanamuziki huyo alikuwa katika medani ya muziki wa Afrika tangu mwaka 1969, ambapo alitwaa tuzo ya dunia kufuatia mtindo wake wa “Rumba Rock”.

Mwaka 2004, mwanamuziki huyo alipatikana na hatia nchini Ufaransa ya kuingiza wahamiaji haramu, ambapo alifungwa jela miezi mitatu. Mwamuziki huyo bado ataendelea kuwa mmoja wa wanamuziki hodari wa Afrika.

Soukous, ambayo pia inajulikana kama Rumba Rock, ilikuwa maarufu Afrika nzima. Pamoja na bendi zake za Zaiko Langa Langa, Isifi na ile ya Viva La Musica, aliibuka na vibao vikali kikiwemo kile cha L’Esclave na Le Voyageur.

Pia mwamuziki huyo aliwahi kufungwa jela nchini mwao Kongo. Shitaka lake nchini Ufaransa lilihusiana na kupanga njama, ambapo alikuwa akisaidia wahamiaji kuingia Ulaya akidai ni wanamuziki wa bendi yake.

Rapa wa jijini Kinshasa Youssoupha aliomboleza katika twitta (nchini Ufaransa), akisema, “Kama jamii, amesikitishwa na kifo cha Papa Wemba.” “Alikuwa mfano katika utamaduni wetu, hivyo ni pigo kubwa katika jamii yetu.”

DOWNLOAD APP YETU YA SWAHIBA NEWS ILI UWEZE KUPATA HABARI ZOTE MOJA KWA MOJA KUPITIA SIMU YAKO YA MKONONI BILA KUINGIA KWENYE WEBSITE,KUDOWNLOAD BONYEZA HAPA