HIVI NDIVYO UKIMWI UNAVYOMALIZA FAMILIA MASIKINI ARUSHA..!!

Maambukizi ya UKIMWI yameanza kuongezeka tena kwa kasi mkoani Arusha huku waathirika wakubwa wakiwa ni kundi la watoto wanaoishi katika mazingira  magumu,na wanaotoka katika familia maskini.

Mganga Mkuu wa Hospitali ya Mkoa wa Arusha ya Mount Meru Dk.Omary Chande  amesema hali hiyo inachangiwa na kuanza kupungua kwa kasi ya kuhamasisha   jamii kuepuka janga hilo kwa kuamini kuwa kwa sasa halipo wakati bado lipo  na madhara yake ni makubwa.

Mkurugenzi wa Shirika la World Education linalosaidia watoto wanaoishi  katika mazingira magumu Kanda ya Kaskazini kupitia mradi wake wa Pamoja  Tuwalee Bi Lilian Badi amesema kasi ya upimaji wa UKIMWI katika jamii   imepungua kwa kiasi kikubwa na tatizo ni kubwa zaidi kwa watoto wakiwemo   wanaioshi katika mazingira magumu na wanaotoka  katika  familia.

Akizungumza na watoa huduma za UKIMWI wa kujitolea zaidi ya 200 wanaopatiwa mafunzo ya kusaidia janga hilo yanayotolewa na Taasisi za Pamoja Tuwalee na  (CHSSC) zinazofadhiliwa  na shirika la Misaada ya Marekani (USAID) Mkuu wa  Mkoa wa Arusha Daud Ntabenda amewataka watendaji kufufua upya kampeni za  kukabiliana   na  UKIMWI.