Mwinyi Ataka Rais Magufuli Aongezewe Muda wa Utawala..Atamani Iwe Zaidi ya Miaka 10..!!!

Rais Mstaafu wa Awamu ya Pili, Ali Hassan Mwinyi amesema kama si utawala wa katiba uliopo nchini, utawala wa Rais John Magufuli ulipaswa kuendelea kuwepo miaka yote.

Mwinyi ameyasema hayo jana(Jumatatu) wakati akitoa salam za Eid El Fitr katika viwanja vya Mnazi Mmoja, jijini Dar es Salaam.

Amesema anayoyafanya Rais Magufuli ni mambo mazuri na kwamba kwa kiasi kikubwa amefanikiwa kulipeleka taifa mahali kuzuri.

"Amelipeleka taifa mahali kuzuri, anerudisha nidhamu, sasa hivi ukienda hospitali unapata huduma vizuri, ukienda kwenye ofisi unapata huduma nzuri," amesema. "Yako mengi mzuri, tumuunge mkono Rais wetu, kama isingekuwa katiba basi ningesema aendelee kuongoza mpaka mwisho," ameongeza.