RAIS SUDANI KUSIN AUNDA SERIKALI YA UMOJA WA KITAIFA...!!

Katika hali ya kuleta matumaini na kuonyesha njia ya mafanikio Rais wa Sudan Kusini Salva Kiir amelivunja bunge lake na kuunda serikali ya umoja,katika mapambano ya kuleta makubaliano ya amani ili kumaliza vita vya wenyewe kwa wenyewe miaka miwili

Thuluthi moja ya mawaziri wa bunge hilo jipya ni wanachama wa chama cha SPLM-IO kilichobuniwa na aliyekuwa kiongozi wa waasi Riek Machar,ambaye alirudi mjini Juba mapema wiki hii ili kuapishwa kuwa makamu wa kwanza wa rais. 

Maelfu ya raia wameuawa na watu milioni 2 wakiwachwa bila makao katika mgogoro huo wa Sudan Kusini ambayo ilipata uhuru wake mwaka 2011. 

Aidha mpango huo unaowashirikisha waliokuwa waasi katika serikali ulitangazwa Alhamisi katika runinga ya taifa. 

Chanzo BBC

DOWNLOAD APP YETU YA SWAHIBA NEWS ILI UWEZE KUPATA HABARI ZOTE MOJA KWA MOJA KUPITIA SIMU YAKO YA MKONONI BILA KUINGIA KWENYE WEBSITE,KUDOWNLOAD BONYEZA HAPA