UTAFITI WAONYESHA HALI NGUMU KWA WAPIGA DILI..!!!

MAMBO magumu. Hatua mbalimbali zinazochukuliwa na Serikali katika kuhakikisha kuwa kila mtu anajiingizia mapato kutokana na shughuli halali na si kutegemea ‘dili’ za mjini zimeendelea kuibua vilio kutokana na ukata mkali kwa mamia ya watu.

Uchunguzi uliofanywa  kwa siku kadhaa, umebaini kuwa miongoni mwa waathirika wakubwa wa uhaba huo wa fedha zilizokuwa zikipatikana kirahisi kupitia ‘dili’ nyingi, zilizokuwapo walau mwaka jana kulinganisha na sasa, ni pamoja na wajasiriamali mbalimbali ambao sasa wamejikuta wakiwa katika hali mbaya kiuchumi.

Kwa mujibu wa uchunguzi huo, umebaini kuwa baadhi ya wajasiriamali wamejikuta wakifilisika baada ya biashara zao kuyumba na mwishowe kushindwa kulipa mikopo waliyoipata kutoka benki na taasisi zingine za fedha.

Hatua hiyo imesababisha kutwaliwa mali walizoziweka dhamana, zikiwamo viwanja, majengo kama ya shule na nyumba za makazi, nyumba za kulala wageni, hoteli pia magari.

DOWNLOAD APP YETU YA SWAHIBA NEWS ILI UWEZE KUPATA HABARI ZOTE MOJA KWA MOJA KUPITIA SIMU YAKO YA MKONONI BILA KUINGIA KWENYE WEBSITE,KUDOWNLOAD BONYEZA HAPA  

ANDIKA MAONI YAKO HAPO CHINI