BAADA YA KUMNASA KESSY,MURO AWEKA HADHARANI SIRI HII JUU YA IBRAHIMU AJIBU KUTUA YANGA..!!!

 

Ofisa Habari wa Yanga, Jerry Muro amethibitisha juu ya kumsaka Ajib wakati akizindua Tawi la Wanachama wa Yanga la Yanga Uswazi Mbeya, jana maeneo ya Sokomatola, ambapo alisema baada ya Kessy sasa wanamtaka Ajib.

“Tumeshafanikiwa kunasa saini ya Kessy, watakuja wengi tu kutoka kwa wa mchangani, kama Ibrahim Ajib na wengine wengi tu watakuja, hivyo msiwe na hofu sisi tutaendelea kufanya vema kwenye michuano mbalimbali tunayoshiriki,” alisema Muro huku akishangiliwa na wanachama hao.

Katika hatua nyingine, taarifa kutoka Sauz zinasema Ajib amenaswa mitaani nchini humo akiwa amevaa jezi ya kijani, hatua ambayo imesababisha sintofahamu kutoka kwa Wanayanga na Wanasimba waliomuona.

Mwanzoni mwa miaka ya 2000, Simba ilimpoteza aliyekuwa beki wake Ramadhan Wassso ambaye alikwenda nje ya nchi kufanya majaribio na aliporejea alisajiliwa na Yanga. Huenda ishu ya Ajib ikawa kama hivyo.

Hata hivyo, Ajib bado ana mkataba wa mwaka mmoja, hivyo kuna ugumu wa usajili wake endapo Simba haitaridhia kumuuza kwa Yanga.

Baada ya kauli hiyo Muro alidai kuwa Kessy alikuwa akidumazwa Simba kwa kutopewa mahitaji mazuri kama mchezaji ikiwemo kutosafiri kwa ndege, hivyo amejiunga na Yanga maisha yatakuwa safi kwake.

 

CHANZO SALEH JEMBE

 

DOWNLOAD APP YETU YA SWAHIBA NEWS ILI UWEZE KUPATA HABARI ZOTE MOJA KWA MOJA KUPITIA SIMU YAKO YA MKONONI BILA KUINGIA KWENYE WEBSITE,KUDOWNLOAD BONYEZA HAPA