HIVI NDIVYO MCHUNGAJI ALIVYODAKWA AKIWA NA MENO YA TEMBO KANISANI..!!!

Jeshi la Polisi Mkoani Katavi linawashikiliwa watu wawili akiwemo mchungaji wa kanisa la Monrovian mkoani humo baada ya kukutwa na vipande kumi na moja vya meno ya tembo vyenye uzito wa kilo 20.3.

Kamanda wa Polisi Mkoa wa Katavi, Damas Nyanda, amesema kuwa vipande hivyo vimekutwa ndani ya mfuko wa sandarusi na kuwekwa ndani ya kanisa hilo ambapo polisi walipata taarifa ya uwepo waa nyara hizo za serikali.

Kamanda Nyanda amesema watuhumiwa hao wote walikamatwa katika kitongoji cha Tombola, kijiji cha Usevia, tarafa ya Mpimbwe na kwamba vipande hivyo vilikuwa vimehifadhiwa kwa lengo la kusafirisha.

Katika hatua nyingine jeshi hilo linamshikilia mtu mmoja kwa kukutwa na jino la Simba huko katika kijiji cha Sitarike maeneo ya Ngoroka baada ya jeshi hilo kufanya operesheni maalum katika eneo hilo.

Aidha, katika msako mwingine Kamanda Damas Nyanda, amesema wanamshikilia mtu mmoja kwa kukutwa na risasi pamoja na bduki ya SMG, akiwa ameihifadhi ndani kwake.

DOWNLOAD APP YETU YA SWAHIBA NEWS ILI UWEZE KUPATA HABARI ZOTE MOJA KWA MOJA KUPITIA SIMU YAKO YA MKONONI BILA KUINGIA KWENYE WEBSITE,KUDOWNLOAD BONYEZA HAPA